Der Anti-Kuhglockenvirus hat jetzt auch unser schönes Altusried erreicht!

Als Hiat wars für mi a schöne Zeit,
guat dass bei eis no Schumpe geit.
Drei Däg ha i fascht g´het zum zeine,
und was jetzt kut dös isch zum heine.
Es sind halt allat wieder selle,
dia unbedingt hand herzia wölle.

Kaum waret d´Schumpe in dr Boind,
kut oinar her und hot do gmoit,
er macht jetzt glei a Protokoll,
dass ma dia Glöckla weg dua soll.
Bloß Gott sei Dank der hot se brennt,
der hot mein Baure no it kennt.
Isch dägweis nauf ins Wäschers g´sprunge
und hot im Franz in d´ohre gsunge.
Dr Bauer seit er soll me gau
und hot dia Glöckla dana lau.

Bloß langsam isch es brenzlig wore,
sie fanget au fascht a zum hore.
Dia Glocka sottet ganz schnell fut,
weil d´Schwiegermuatter suscht it kut.
Doch Gott sei Dank s´hot sich ergea
und s´isch dann au bald Viehscheid gwea.

In Zukunft wenns an Abenteuer-Spielplatz geit
für kleine und für große Kinder,
do wiad dia Kirbe no viel minder.
I glaub do seit er - "I kints schwöre"
"viel lieber dät i Glöckla höre"
Dr Gmoind der wünsch i ganz viel Glück
und hoff er dreht sich dann koin Strick!

Jetzt ha i dös Gedichtle g´schriebe,
bloß d´Schwiegermuatter isch eam bliebe!

Und die Moral von der Geschicht:

Soll d´Schwiegermuatter woidle gau
müasset d´Schumpe Glocka hau!



Herzlichen Dank meiner standhaften Bauernfamilie
Franz und Carolin Dorn, Altusried-Wäschers

Uier Schumpehiat Hans Rampp